Қабылдау-диагностикалық бөлімше аурухананың ең маңызды құрылымдық бөлімшелерінің бірі болып табылады. «...Театр ілгіштен басталады» және аурухана қабылдау бөлмесінен басталады. Қабылдау-диагностикалық бөлімшесі №1 КҚБА бірінші қабатында орналасқан, санитариялық көлікке арналған ыңғайлы кірме жолдары бар. Тәулік бойы жұмыс істейді.

Бөлімше барлық қажетті жабдықтармен, оттегі жеткізумен, пульсоксиметрлермен, ингаляторлармен, электр сорғылармен жабдықталған науқастарды қабылдауға арналған бірнеше қабылдау – қарау кабинеттерінен тұрады.

Балалар стационарға үйден жедел медициналық жәрдеммен, МСАК жолдамасымен немесе қаланың басқа стационарларынан, сондай-ақ өз бетінше жүгінген кезде түседі.